Vodafone agasalla 25 GB para navegar durante o verán
luns, 9 de xullo do 2018
Quen queira navegar
durante o verán nas mellores condicións a través o seu móbil, vai
poder facelo e operadoras como Vodafone queren ocuparse de garantilo.
Segundo vén de informar a compañía en relación a estes meses
estivais e ás necesidades de conexión dos seus usuarios, todos
clientes con tarifa de contrato móbil ou converxente van gozar de 25
GB extra, sen custe algún, dende o domingo 15 de xullo até o 31 de
agosto, ambos incluídos.
A empresa tamén fixo
saber que para desfrutar destas condicións de datos adicionais os
clientes non precisarán facer nada. Os 25 GB estarán dispoñíbeis
tanto para clientes novos como para actuais.
O novo beneficio engádese
á incorporación, sen custo adicional, de máis datos, máis minutos
de voz e novos servizos aos plans de prezos de máis de 6 millóns de
liñas que se anunciou en maio. Ao fío de todo isto, a operadora
lembra que estas melloras no servizo son posíbeis “grazas á alta
calidade da rede móbil de Vodafone en España, que o pasado novembro
foi recoñecida por P3 Connect Mobile Benchmark como “a mellor rede
móbil do ámbito estatal”.