O Campus Industrial de Ferrol acollerá un obradoiro sobre a creación de aplicacións para móbiles Huawei
luns, 21 de novembro do 2022
A Aula de Audiovisuais da Escola Universitaria de Deseño
Industrial (EUDI) acolle, o vindeiro venres ás 11:00, o obradoiro
Huawei Mobile Service: Desenvolvemento de Aplicacións impartido polo
enxeñeiro do Soporte Técnico ao Desenvolvedor en Huawei CBG España, Fran
Almeida. A directora do Campus Industrial de Ferrol, Ana Ares, e a coordinadora
do mestrado en Deseño, Desenvolvemento e Comercialización de Videoxogos, Luz
Castro, presentan unha actividade formativa dirixida a toda a comunidade
universitaria e ao público xeral interesado.
Ao longo da xornada, o alumnado e persoal investigador
participante afondará na plataforma Huawei Mobile Services (HMS) onde se pode
atopar a AppGallery asà como outras aplicacións e servizos propios desta
compañÃa chinesa. A maiores, neste espazo, inclúense tamén aqueles compoñentes
dirixidos especificamente aos desenvolvedores chamados HMS Core e que conteñen
APIs, SKDs e outros servizos que poden ser empregados para crear e mellorar
aplicacións que funcionen nos smartphones de Huawei.