IBM achega os Gadgets de Google ás empresas

Co obxectivo de permitirlles ás empresas beneficiarse dos servizos de Google e sen renunciar á seguridade nin ó control requiridos nos espazos corporativos, IBM está a integrar soporte de preto de 4.000 Gadgets do buscador no portal WebSphere. O novo IBM Google Gadget Portlet, dispoñible a partires de abril, permitiralles ás compañías engadir servizos como mapas, listaxes de pendentes, seguimento de envío de produtos, enderezos de tráfico ou tradutores de idiomas a sistemas WebSphere Portal 6.0 e Portal Express para o seu emprego en computadoras corporativas de escritorio, de acordo con IBM. Este sistema permitirá crear mush-ups entramados que combinan características de dous ou máis servizos web para formar un novo, manténdoos sempre suxeitos ás políticas de seguridade e ós controis de xestión corporativos.
Como resultado, os usuarios poderán tomar Google Gadgets e introducilos na súa rede converténdoos así en portlets utilizables de xeito seguro dentro dos límites protexidos polos seus firewalls. Pola súa parte, Google subministrará a IBM un conxunto de APIs para acelerar a integración dos seus gadgets en WebSphere Portal, e un mecanismo de renovación garantirá que os gadgets sexan decote actualizados. No futuro, “IBM agarda poder afondar aínda máis na integración de Google Gadgets dentro da súa plataforma”, segundo afirma a propia empresa.