Dinahosting presenta a nova versión do seu sitio web, máis dinámico e intuitivo

Dinahosting, a compañía galega independente líder en servizos integrais de Internet en España, vén de presentar o seu novo portal web “multi-idioma”, moito máis moderno e intuitivo, que facilita o contacto do internauta coa entidade á hora de atopar as facilidades que esta lle pode ofrecer, en materia de xestión en liña.
Entre as novidades que presenta este novo portal, cun deseño moito máis atractivo e funcional, destaca a presentación do novo Panel de Control que oferta a compañía, baseado, segundo informan os seus responsables, “en anos de experiencia e na opinión de milleiros de usuarios da Rede”. Trátase dunha novidosa ferramenta que concentra todos os servizos dispoñibles en Dinahosting, lista para usar e “pensada para o cliente, para que este esqueza as curvas de aprendizaxe”.
Esta tecnoloxía, cen por cento española, foi deseñada para facilitar a xestión e administración dun volume ilimitado de dominios, servidores dedicados administrados e non administrados, servidores de xogos e aplicacións específicas para Resellers, entre outros servizos.
Asemade, o Panel de Control da Dinahosting caracterízase, segundo afirman dende a entidade, “pola usabilidade e facilidade de xestión e organización dos servizos integrais multiplataforma, nun ambiente completamente personalizable polo cliente/usuario”.
Outra das características principais desta aplicación de rápida interfaz, son as opcións de configuración e protocolos de seguridade que permiten ao usuario ou usuaria escoller entre diversas ferramentas avanzadas de seguridade, tales como xeolocalización, tarxeta de chaves, auditoría para contrasinais, logs e informes… ademais de dispor dun sistema de soporte técnico 24x7 completamente de balde, a través do teléfono, email, chat en liña directamente con persoal cualificado e Skype.
Desde o seu nacemento en 2002 e tratándose da empresa líder no sector de capital español, Dinahosting anuncia que superou os 50.000 clientes, o que significa un volume de máis de 94.000 dominios administrados en 78 países distintos. A previsión da compañía de servizos integrais na Internet é “converterse na empresa española de referencia en implantación tecnolóxica, chegando a un total de 4,5 millóns de euros, o que implica un crecemento para finais de 2009 do 30%”. Sen dúbida, o aumento da carteira de clientes, que é un 25% máis respecto ao ano anterior, demostra o imparable crecemento da compañía española e demostra o éxito do plano de expansión internacional.
En palabras do director comercial da entidade, como mostra deste espirito de superación, Alberto de la Morena afirma, “a Dinahosting está nunha nova etapa de desenvolvemento, co obxectivo de facilitar o control dos recursos corporativos de forma doada e sinxela. Apostando sempre pola innovación e a calidade, o noso obxectivo é proporcionarmos un servizo que nós, como usuarios, gustaríamos de recibir”,
Ademais da renovación do sitio web e do desenvolvemento do Panel de Control “máis avanzado do mercado”, a Dinahosting realizou unha serie de melloras na súa oferta de produtos, pondo a dispor dos seus clientes servizos de alta calidade moi competitivos como por exemplo, VPS a prezos de hosting compartido, licenzas ilimitadas en servidores dedicados, máxima seguridade e protección de datos, entre outros; ademais de ofrecer grandes descontos inmediatos co Programa de Puntos.