As Cancelas sortea este martes catro agasallos TIC

O Centro Comercial As Cancelas de Santiago anunciou que mañá sorteará entre os seus clientes cinco carros da compra (valorados en 100 euros cada un) e catro grandes agasallos tecnolóxicos (un televisor LED, unha consola Wii, unha cámara de fotos dixital e unha tablet). A maiores, entra no evento a posibilidade de obter a devolución do importe dunha compra de ata 300 euros realizada o mes pasado. Estas actividades, inseridas no sorteo mensual que realiza As Cancelas cada terceira feira, resolveranse ás 20 horas no punto de información do centro comercial compostelán.
Para participar é preciso ter realizado unha compra por valor de dez euros ou máis nalgún dos martes do pasado mes de xullo, ter entregado o tíquet correspondente e estar presente no acto do sorteo.