A EGAP achega formación específica sobre sistemas de información xeográfica
luns, 2 de setembro do 2013
- Fachada da sede da EGAP, no barrio de Fontiñas de Santiago de Compostela
A Escola Galega de
Administración Pública (EGAP) convocou os días pasados unha nova
actividade TIC para os traballadores do ámbito público. Trátase do
Curso de Sistemas de
Información Xeográfica 2013, unha acción formativa dirixida a
fornecer coñecementos teóricos e prácticos sobre solucións de
datos xeoespaciais e habilidades para tirar partido dos sistemas de
información xeográfica na Administración. O curso vén da man da
EGAP en colaboración coa Federación Galega de Municipios e
Provincias (FEGAMP), a Dirección Xeral de Administración Local e o
Instituto de Estudos do Territorio (IET).
A actividade, segundo
informa a Escola, mestura o estudo dos fundamentos teóricos dunha
ferramenta SIX “cunha completa formación práctica no uso dos
sistemas de información xeográfica co obxectivo de que os alumnos
aprendan a xestionar esta información de maneira eficiente e obter
os maiores beneficios posibles tanto na xestión do territorio coma
na posta á disposición desa información”.
Os alumnos recibirán de
balde unha licenza do programa Arcgis 10.1 válida por un ano, que se
lles instalará no seu portátil a aquelas persoas que prefiran
seguir as clases prácticas co seu propio portátil. A actividade,
que achega 25 prazas, comeza o 14 de outubro e remata o 18 de xuño.
