Sancionarán a un avogado estadounidense por usar ChatGPT
martes, 30 de maio do 2023
Os malos usos da
intelixencia artificial poden ter consecuencias moi graves, como un caso xudicial
que está a transcender aos medios de comunicación, xa que na denuncia do
cidadán Roberto Mata contra a aeroliña Avianca por lesións durante un voo
figuraban varias decisións xudiciais a xeito de precedentes que nin a defensa
nin o xuÃz foron quen de confirmar, e resultaron
ser invencións de ChatGPT.
O avogado da causa, Steven A. Schwartz (de Levidow, Levidow & Oberman)
recoñeceu que utilizou ChatGPT para redactar as 10 páxinas da documentación da
súa demanda, sen ter verificado de ningún xeito que a información incorporada
ao documento tiña bases reais, algo que sorprende enormemente xa que falamos
dun letrado con tres décadas de exercicio, que poderÃa ter que deixar de
exercer por mor de tal neglixencia.
Schwartz solicitou clemencia ao xuÃz Kevin Castel, asegurando que en ningún
momento pretendeu enganar ao tribunal e asegurando que descoñecÃa a posibilidade
de que o contido xerado por ChatGPT puidese ser falso.
O vindeiro 8 de xuño celebrarase a audiencia na que decidiranse as sancións para
o avogado que incluÃu media ducia de precedentes inventados, práctica que supón
toda unha ameaza para o sistema xudicial, polo que probablemente as sancións
vaian ser importantes, pois a ignorancia do funcionamento de ChatGPT por parte
do avogado deixa aÃnda máis patente a súa neglixencia.